Í blaki keppa tvö sex manna lið hvort gegn öðru. Liðin fá stig ef þau koma boltanum í gólf andstæðingsins, andstæðingurinn fær dæmt á sig brot við knattmeðferð eða slær boltann út af vellinum.

   
Blak var fundið upp árið 1895 af William G. Morgan við KFUM-búðir í Bandaríkjunum, en hann óskaði eftir leik sem hægt væri að stunda innanhúss og að margir gætu leikið í einu. Leikurinn hét í fyrstu Mintonette og var ótakmarkaður fjöldi leikmanna í liði. Fljótlega var reglunum þó breytt og settar 6 stöður á hvorum vallarhelmingi.

Blak varð Ólympíugrein árið 1964 þegar keppt var í blaki á Ólympíuleikunum í Tokyo. 

Blakvöllurinn er 18 m langur og 9 m breiður með 1 m háu neti sem skilur vallarhelmingana að. Efra borð netsins á að vera í 2.43 m hæð frá gólfi í karlakeppnum en 2.24 m hæð í kvennakeppnum. 3 m frá netinu inn á hvorn vallarhelming er sóknarlínan en hún skiptir vallarhelmingunum í fram- og afturlínusvæði.

Blakboltinn er léttur bolti, um 65-67 cm í ummál. Boltinn er gerður úr saumuðu leðri eða gerviefnum.

Gaman að vita